Breaking News

Rritet gjithnjë e më shumë numri i viktimave nga Koronavirusi

Numri i viktimave nga koronavirusi në kinë dhe vende të tjera të botës ka arritur në 2004 persona.

Kryekirurgu i qendrës spitalore Wuchang në Wuhan, Liu Zhiming ndërroi jetë ditën e sotme (18 shkurt) si pasojë e koronavirusit. Liu ishte një ndër neurokirurgët më të mirë dhe më të vjetër në profesion në qytetin e Wuhan, epiqendra e epidemisë. Vdekja e tij ka shkaktuar reagime dhe kritika ndaj qeverisë për mungesën kushteve dhe të mbrojtjes së stafeve mjekësore të cilët janë të ekspozuar ndaj virusit. Shumë prej mjekëve punojnë me orare të zgjatura dhe po bëjnë të pamundurën për të mbajtur nën kontroll situatën. Mediat shtetërore raportuan këtë të martë se të gjithë mjekët dhe infermierët që po janë në kontakt me virusin dhe që vdesin prej tij, do të quhen martirë. Gjatë ditës së sotme janë raportuar 98 viktima të tjera duke e çuar numrin total në 2004. Ndërkohë numri i të prekurve në të gjithë botën është 73.325.