Breaking News

Franca po debaton se si të adresohet ligjërisht dhuna ndaj grave

Që nga fillimi i vitit, 104 gra në Francë raportohet se janë vrarë sepse ishin gra. Tani vendi po debaton për çështje të dhunës në familje, duke përfshirë nëse termi “femicid” duhet të shtohet në kodin penal.

Franca po zhvillon një lloj bisede zyrtare mbarëkombëtare mbi dhunën në familje, e njohur si “Grenelle des violances conjugales”, e cila filloi në fillim të këtij muaji dhe planifikohet të vazhdojë deri më 25 nëntor, Ditën Ndërkombëtare për Eliminimin e Dhunës ndaj Grave.         Gjatë kësaj kohe, zyrtarë dhe avokatë francezë, si dhe shoqata që përfaqësojnë viktima dhe familjet e tyre, po takohen në të gjithë vendin për të diskutuar mënyrat për të parandaluar këto krime dhe si duhet të ndëshkohen shkelësit.