Breaking News

Buzaku: Sulejman Rexhepi ka përvetësuar 700.000 euro nga BFI

Skender Buzaku i cili pretendon se është në krye të BFI-së, sot dorëzoi dëshmitë para Prokurorisë dhe që, sipas tij tregojnë se kreu aktual i BFI-së, Sulejman Rexhepi ka kryer krim duke keqpërdorur Bashkësinë Fetare.

Buzaku potencoi se dokumentet shfaqin keqpërdorimin e mjeteve që i kanë dhuruar njerëzit. Ai thotë se Rexhepi ka bërë larje parash përmes një firme private dhe kështu ka marrë kundërligjshëm 700.000 euro nga BFI, përcjell Telegrafi Maqedoni.

“Ai ka kryer vepër penale të larjes së parave dhe keqpërdorim të pozitës zyrtare. Personi i dyshuar ka përvetësuar 700.000 euro këtë vit. Ka llogari fiskale nga vitit 2019, bartja e mjeteve dhe dëshmi. Dëmi është 700.000 euro”, tha Buzakut.

Ai sqaroi se janë marrë rreth 700 euro nga haxhilerët, sepse pagesën nuk e kanë bërë në mënyrë të drejtpërdrejtë në Ministrinë për Haxh por e kane bërë përmes një agjencie e cila ndodhet me lokacion në Arabinë Saudite./Telegrafi/

Advertisements