Breaking News

Vuçiq këmbëngul: Dialogu vetëm pas heqjes së taksës

Presidenti i Serbisë, Aleksandar Vuçiq, është takuar sot në Beograd me kryetarin e Komisionit për Punë të Jashtme të Parlamentit Evropian David McAllister.

Vuçiq theksoi se Serbia mbështet në mënyrë të vendosur dialogun për normalizimin e marrëdhënieve me Prishtinën, por se bisedimet mund të rinisin vetëm pas heqjes së taksave. Ndërsa David McAllister ka kërkuar sot në Beograd heqjen e taksave nga Prishtina zyrtare për të mundësuar vazhdimin e dialogut. Ai gjatë një konference për media pas takimit me presidentin e Serbisë, Aleksandar Vuçiq, tha se BE-ja është e gatshme të ndihmojë sa më shpejt rifillimin e procesit të dialogut në Bruksel. McAllister përkujtoi se nuk ka pasur reaksione të Prishtinës ndaj deklaratës së vendeve të Quintit dhe shtoi se duhet pritur epilogun e zgjedhjeve parlamentare në Kosovës. I pyetur nga mediat nëse Evropa kishte argumentin shtesë që i kërkonte Prishtinës heqjen e taksës ose t’i linte këtë gjë SHBA-së, McAllister tha se evropianët ishin po aq të përfshirë sa edhe amerikanët, dhe në të njëjtën mënyrë ata u bënë thirrje autoriteteve të Kosovës që të pezullojnë vendimin. “Deklarata e fundit nga shtetet e Quintit është e qartë. SHBA dhe shtetet e BE-së kanë thënë të njëjtën gjë. Shpresoj që njerëzit përgjegjës në Prishtinë do t’i kushtojnë vëmendje këshillave dhe kërkesave nga ana jonë”, tha McAllister.

Advertisements