Breaking News

Parlamenti anglez kundërshton Brexit pa marrëveshje

Deputetët e parlamentit të Anglisë kanë kundërshtuar largimin e Britanisë së Madhe nga BE pa ndonjë marrëveshje.

Duke qenë se kryeministrja e Anglisë deri tani nuk ka arritur të gjejë gjuhën e zbatimit të Brexit si brenda ashtu edhe jashtë vendit të saj, ekziston mundësia që Londra të vazhdojë të qëndrojë në union. Kryeministrja britanike, Theresa May, vijon të negociojë me Laburistët për një marrëveshje për mënyrën e daljes nga BE-ja, ndërsa tha se tashmë vendi ka vetëm dy zgjidhje. Duke iu referuar vendimit më të fundit të parlamentit, që ndalon daljen e Britanisë nga Bashkimi Evropian, pa një marrëveshje, May tha se nëse kjo e fundit nuk miratohet, atëherë do negociohet qëndrimi në Bashkimin Evropian. “Meqenëse parlamenti e ka bërë të qartë se do të ndalojë që Mbretëria e Bashkuar të largohet pa një marrëveshje, ne tani kemi një zgjedhje të zymtë: të votojmë një marrëveshje për largimin, ose të gjejmë një akord për të qëndruar në union”, tha May. Ajo nuk ngurroi të çojë edhe një tjetër sinjal te laburistët, duke thënë se sa më shumë të zgjatë periudha pa marrëveshje, aq më shumë rriten shanset që vendi të mbetet në union.

Advertisements