Breaking News

Greqia organizon debat profesional për marrëveshjen me Maqedoninë

Për aspektet juridike të marrëveshjes me Maqedoninë, prapavija historike, zbatimi i saj, emri, përdorimi, gjuha dhe nënshtetësia, janë disa nga temat që sot do të diskutohen nga profesorët juridik në Greqi, në një konferencë që e organizon Ministria e Punëve të Jashtme e Greqisë.

Nga MPJ greke thonë se qëllimi i konferencës është që të ketë debat global dhe profesional në lidhje me gjitha çështjet që dalin nga marrëveshja historike mes Shkupit dhe Athinës, përcjell Telegrafi Maqedoni.

“Diskutime do të ketë në katër sesione dhe pritet të kontribuohet në qartësimin e koncepteve kritike dhe termeve juridike, me qëllim që të informohet opinioni”, thonë nga MPJ e Greqisë.

Debati pritet të zgjasë shtatë orë dhe do të përfundojë sonte me fjalimin e shefit të diplomacisë greke Nikos Kotzias, i cili do të flet në temën “Vlerësimi i marrëveshjes së Prespës dhe zbatimi strategjik”./Telegrafi/

Advertisements