Breaking News

Kosovës i hapet rruga drejt BE-së

Procesi i ri i vendimmarrjes në Bashkimin Evropian, i paralajmëruar nga Komisioneri për Zgjerim, Johannes Hahn, do të mund të shkurtojnë rrugën e integrimeve evropiane për Kosovën.

Siç shkruan gazeta serbe “Vecernje Novosti”, mekanizmi, sipas të cilit, për disa hapa të caktuar drejt anëtarësimit të plotë në Bashkimin Evropian nuk do të jetë i nevojshëm konsensusi i të gjithë anëtarëve të Unionit, mund të përdoret  nga shtete të caktuara për të përshpejtuar rrugën evropiane të Kosovës, pavarësisht qëndrimit të vendeve që nuk e kanë njohur pavarësinë e saj. Gazeta, megjithatë, përkujton se për anëtarësim në BE do të mbetet kushti, që për këtë nevojitet pajtimi i të gjitha vendeve anëtare. Megjithatë, rregullat e reja do të mund të përdoren në mënyrë që Kosova të mund të avancojë drejt BE-së, pavarësisht qëndrimit të pesë shteteve, që nuk e kanë  njohur atë. Vendim për koncesione të caktuara ndaj Kosovës mund të bëhet pa pëlqimin e shteteve që nuk e njohin Kosovën.

Advertisements