Breaking News

Dimitrov: Rruga do të jetë e vështirë, por do t’ia dalim

Ministri i Punëve të Jashtme Nikolla Dimitrov, pas vendimit të mbrëmshëm të Këshillit të Evropës që me Maqedoninë bisedimet të nisin në qershorin e vitit të ardhshëm, ka reaguar duke thënë se rruga do të jetë e vështirë, por do t’ia dalin.

Në një postim në llogarinë e tij në Facebook, Dimitrov thotë se rruga për në BE do të jetë e vështirë, por ka shpresë që do të arrihet, përcjell Telegrafi Maqedoni.

“Do ia dalim. Do të ketë djersë, lot dhe shumë dëshpërime, por do t’ia dalim. Sa më shumë pengesa, aq më shumë gëzim në fund. E lëshuam kohën kur rruga ishte e asfaltuar, tani po ngjitemi nëpër bjeshkë, rrugë të errët dhe të ngushtë, me shi dhe erë. Por do t’ia dalim. Dhe gjithë ata që janë skeptikë, të hutuar, pas shpresë – do t’i motivojmë. Është koha që të shtrëngojmë duart dhe ta përfundojmë misionin tonë. T’i largojmë pengesat për identitetin tonë, shtetësinë dhe të ardhmen”, shkruan Dimitrov./Telegrafi/

Advertisements