Breaking News

Dimitrov: Dallimi kryesor me Greqinë, është përdorimi i emrit të ri

Ministri i Punëve të Jashtme Nikolla Dimitrov, në një intervistë për Alsat-M në lidhje me negociatat për çështjen e emrit, tha se është arritur përparim, por akoma mbeteten çështje të hapura.

Ai tha se një nga kërkesat më të mëdha të palës greke është ndryshimi kushtetues i Maqedonisë dhe fusha e përdorimit të emrit të ri, përcjell Telegrafi Maqedoni.

Ai tha se për njërin nga katër elementet kyçe në bisedime (emri i ri i ngjitur, përfshirja, përdorimi i gjuhës dhe shtetësia), akoma ka dallime dhe ndikon edhe tek tjerat.

Ndërsa në lidhje me kërkesën për erga omnes, Dimitrov tha se emri jonë është Maqedonia dhe se këtë nuk mund ta ndryshojë askush dhe të negociohet për të.

Advertisements