Breaking News

Katalonja; Protesta kundër dhunës policore

Në Katalonja të Spanjës janë organizuar protesta kundër dhunës që policia ushtroi ndaj pjesëmarrësve në referendum.

Presidenti katalanas Carles Puigdemont deklaron se rajoni spanjoll ka fituar të drejtën e shtetësisë pas një referendumi të diskutueshëm që u prish nga dhuna. Ai tha se dera ishte hapur për një deklaratë të njëanshme të pavarësisë. Zyrtarët katalanas thanë më vonë  se 90 për qind e atyre që votuan mbështesin pavarësinë në votimin e së dielës. Pjesëmarrja ishte 42.3%. Gjykata kushtetuese e Spanjës kishte shpallur sondazhin e paligjshëm dhe qindra njerëz u plagosën ndërsa policia përdori forcën për të bllokuar votimin. Komisioni Europian e gjykon si ilegal referendumin për pavarësinë e Katalonjës. Përmes një deklarate për shtyp, Komisioni tha se nuk do të përzihet në këtë çështje të brendshme, ndërkohë që ritheksoi nevojën për bashkim. Sa i përket situatës së dhunshme të krijuar mes policisë dhe votuesve, Komisioni beson se kryeministri spanjoll do të menaxhojë procesin në pajtim me kushtetutën. Komisioni Europian ka konfirmuar se referendumi për pavarësinë e Katalonjës është ilegal në bazë të ligjit spanjoll. Komisioni e ka përshkruar votimin si një çështje të brendshme dhe la të kuptohej se nuk do t’i përgjigjej kërkesave për të ndërhyrë.

Advertisements