Breaking News

Takim për ndërtim të besimit ndërmjet Maqedonisë dhe Greqisë

Ministria e Punëve të Jashtme e Maqedonisë informoi se sot në Athinë është mbajtur takim për masat për ndërtim të besimit ndërmjet Republikës së Maqedonisë dhe Republikës së Greqisë në pajtim me marrëveshjen e arritur mes ministrave të punëve të jashtme të dy shteteve më 24 qershor në Shkup.

“Ky takim paraqet vazhdim të dialogut miqësor dhe konstruktiv të temave të caktuara në mënyrë të ndërsjelltë, siç janë projektet për ndërlidhje në sferat e transportit dhe energjisë, bashkëpunimi policor, programet evropiane, kultura, arsimi, mbrojtja civile, administrata publike, mbrojtja shëndetësore, bashkëpunimi mes akademive diplomatike dhe nismave për bashkëpunim afarist”, thuhet në kumtesën e MPJtë Maqedonisë. Nga MPJ theksojnë se është vendosur që takimi i radhës të mbahet në Shkup, ndërsa për përparimin në procesin e zbatimit të masave për ndërtim të besimit do të bisedohet edhe në takimin e ministrave të punëve të jashtme të dy vendeve që do të mbahet ditën e enjte në Shkup.

Advertisements