Breaking News

Xhaferi: Deputetët e OBRM-PDUKM-së flasin për gjithçka, por jo edhe për shkarkimin e Zvrlevskit

Kryekuvendari Talat Xhaferi, gjatë seancës së sotme për shkarkimin e Marko Zvrlevskit, kryeprokuror në vend, i është drejtuar deputetit të OBRM-PDUKM, Ilija Dimovski, me atë se ai flet për gjithçka, vetëm për pikën e rendit të ditës jo, përcjell Telegrafi Maqedoni.

”Në vend që të flasin për atë pikë çka është në rend të ditës, gjegjësisht për shkarkimin e Zvrlevskit, ju flisni për gjithçka. Të flisnit rreth temës, debati deri më tani do të mbylleshte dhe do të kishit shtatë ditë për të folur për gjithçka që është ngritur si nismë”, tha kryetari i Kuvendit të Maqedonisë, Talat Xhaferi, duke iu drejtuar koordinatorit të grupit të deputetëve të OBRM-PDUKM, Ilija Dimovski. Përndryshe, Ilija Dimovski, kërkoi seancë ku do të jenë parësore zjarret, kriza e migrantëve, deponia në Strugë dhe Tetovë si dhe Marrëveshja me Bullgarinë. Përderisa në Kuvend sot debatohet për shkarkimin e kryeprokurorit, Xhaferi ka caktuar një pushim të rregullt dhe seanca do të fillojë përsëri pas 30 minutave.

Advertisements