Breaking News

CIA: “WikiLeaks me çdo kusht dëshiron shkatërrimin e Amerikës”

​​​​​​​Kreu i Agjencisë Qendrore të Inteligjencës (CIA) thotë se ‘WikiLeaks’ po kërkon të shkatërrojë Amerikën.

Në një intervistë me kolumnistin konservator të New York Times, Bret Stephens në Forumin e Sigurisë të Institutit Aspen të enjten mbrëma, drejtori i CIA-s Mike Pompeo tha: “WikiLeaks dëshiron ta shkatërrojë Amerikën në çdo mënyrë që mundet”. “Unë nuk e dua WikiLeaks”,  tha ai. Kur u pyet nëse ai beson se Rusia ka ndërhyrë në zgjedhjet e vitit 2016, Pompeo, tha “Natyrisht që ata ndërhynë”. Në një intervistë në prill, Pompeo e quajti WikiLeaks një “shërbim jo-shtetëror armiqësor të inteligjencës”. “Është koha për t’a quajtur WikiLeaks-in për atë që është me të vërtetë: Një shërbim informacioni armiqësor jo shtetëror, shpesh i mbështetur nga aktorë të shtetit si Rusia”, tha ai. Pompeo tha se WikiLeaks është përqendruar kryesisht në SHBA dhe inkurajon pasuesit e saj që të bashkohen me CIA-n me të vetmin qëllim të marrjes së inteligjencës. WikiLeaks ka turpëruar agjencinë e inteligjencës amerikane duke rrjedhur dokumentet e tij konfidenciale. Dokumentet detajojnë dobësitë teknologjike që agjencia e spiunazhit përdor për të pasur qasje në pajisjet elektronike. Themeluesi i WikiLeaks, Julian Assange ka goditur CIA-n për mosdhënien e informacioneve mbi dobësitë dhe parandalimin e industrisë së teknologjisë dhe zyrtarëve qeveritarë nga marrja e hapave të nevojshëm. Në maj, Assange kritikoi ashpër CIA-n, duke e përshkruar atë si “rrezikshëm të paaftë”. “CIA është agjencia më e rrezikshme në botë e inkompetuar e spiunazhit. Ajo ka terroristë të armatosur, demokraci të shkatërruara dhe diktatura të instaluara dhe mirëmbajtura në të gjithë botën”, tha Assange. Qeveria e SHBA ka përshkruar shpesh WikiLeaks-in si një mjet i agjencive të inteligjencës ruse. Në dhjetor, CIA tha se kishte arritur në përfundimin se operacionet e inteligjencës ruse ofruan materiale për Wikileaks në një përpjekje për të ndihmuar disfatën e kundërkandidates së Presidentit Donald Trump, Hillary Clinton në zgjedhjet presidenciale të 2016-ës.

Advertisements